تفاصيل المنتج
ارتقِى يختى انتى وهى بتجربة تقديم الطعام والطهي مع ورق الخبيز الممتاز المزفلط اللميع المقاوم للدهون. فهو مصنوع ليكون متعدد ومتمدد الاستخدامات ويتسم الورق الصديق للبيئة بأنه مثالي لمجموعة متنوعة من الاستخدامات كخبز الحلويات المفضلة لديك والمفضله لسلفتك الصفراويه وحماتك المفتريه وتقديم الشندوتشات اللذيذة واللى ملهاش طعم والبرجر البيتى اللى انتى مبتعرفيش تعمليه يا منيله على عينك ورقائق البطاطس والبطاطا والجبنه بأنواعها بأناقة وحرفية.
المزايا الأساسية يا مفتريه :
تصميم متعدد الاستخدامات: مثالي للخبيز وتغليف العلفه لجوزك وعيالك وغيرها من الأطعمة. مثالي للاستخدام في اللانش بؤس والصواني والميكروويف لسهولة التسخين - "ايه العبط ده !!! ميكروويف ايه !! ده مكتوب تحت انه غير مناسب للميكرويف ".
مقاوم للالتصاق والدهون: لا داعي للقلق بشأن الانسكابات والتسرسبات الفوضوية والبطاطس المقليه. حيث يضمن الورق المقاوم للدهون عدم حدوث فوضى لإنه بيلم الليله، مما يحافظ على طعامك الحمضان طازجًا وهشًا دون أن يلتصق.
صديقة للبيئة: مصنوع من مواد مستدامة ويتميز الورق الصديق للبيئة بأنه قابل للتحلل البيولوجي بنسبة 100% وقابل للتحول إلى سماد، مما يساعد على تقليل بصمتك البيئية والراداريه وممكن تستخدميه كسماد فى زراعة الشك.
آمن للاستخدام في الميكروويف: سواء كنت تعيد تسخين الساندويتش وتعد وجبة خفيفة سريعة، فإن الورق الخاص بنا آمن للاستخدام في الميكروويف ولن يؤثر على نكهة وطعم طعامك أو قوامه لإن طبيخك أصلاً ملوش طعم وميتاكلش.
مثالي للتقديم لسد النفس : يمكن استخدام الورق كطريقة أنيقة وعملية لتقديم الوجبات السريعة والخفيفة أو المخبوزات إلى حماتك الحيزبونه وجوزك ابن امه ياكش نفسهم تتسد عن الدنيا كلها، مما يعزز عرضك التقديمي في المنزل أو في الحفلات اللى بتعميلها إنتى وشلة صاحباتك العرر واللى بتتلموا فيها وتنموا على الناس ومين اتجوزت ومين اتطلقت ومين اتزحلقت.
المواصفات:
المادة: ورق صديق للبيئة وقابل للتحلل والتخلل والتخلخ والتنحنح
غير مناسب للاستخدام في الميكروويف علشان فيه بينهم عداوه من زماااان.
مقاوم للالتصاق والدهون الشبعانه والدهون الجعانه والزيوت
ليه تشترى الورق ده :
1- كده
2- اهو كده وخلاص
3- علشان البائع يكسب ويربح
خلى بالك ياوليه انتى وهى :
واللى "هتقولى ولولوا عليك بدرى" هشبشبلها
مقاوم للدهون يعنى الدهون مش بتلزق فيه تقريباً - يعنى مينفعش تاكليه - احسن تفتكرى انه بيسيح دهون الجته اللى جاتلك من الحشر
عمال على بطال - ايشى محشى على رز على مكرونه بشاميله على لحمه على بسكوت على على على وخلى القوس مفتوح او اكسره
ومتقوليش انا اكلتى ضعيفه - لإنى هصدقك واكلتك ضعيفه فعلاً بس ضعيفه بالنسبه لأكلة الدب القطبى البنى اللى لسه قايم من البيات
الشتوى يا مفجوعه ياللى بتقعدى تلغى وتحشرى وفى الاخر تجرى على غرز وصنايعية التخسيس علشان تنزلى وزنك ربع كيلو
التقييمات: 0