تفاصيل المنتج
اللانش بوكس دهون مصمم بطريقه تخليه يشيل اكبر كمية أكل حمضان علشان عيالك الفجعانه تطفح وتتغذى علشان تعرف تنام كويس فى الحصص واقعدى انتى كده اعلفى فى العيال لحد ما مخهم يتخن وخدودهم ترهرط وابقى تفى على صبرى لو حد فيهم نفع.
ولانش بوكس ايه اللى هتجيبيه لعيالك يا موكوسه !! ما هى كيسه سمرا تمليها أكل وتعملى لها زعروره وتعلقيها فى رقبة العيل وخلاص.
المهم بنصحك تطلعيهم من المدارس وتشغليهم فى ورشه وتقعدى تلمى فلوس من وراهم - وبفلوس المدارس اشترى شوية عجول وربيهم وهتكسبى اكتر وعيالك هيطلعوا يلاقوا زريبه يتسندوا عليها وهتهيصوا بقى فى القشطه والزبده واللحمه والبيض وتبقوا من الأسر المنتجه ومتبقوش عواله على الحكومه
مواصفات اللانش بوكس فى عينك انتى وجوزك :
- أربعة أقفال على جوانب العلبه علشان محدش يعرف يفتحها
- أطار مطاطى لمنع التسريب علشان لو هتعبى لعيالك ملوخيه او شوربه - وبكده متدلدقش على كتب وكراريس عيالك اللى مش فالحين
- خالي من مادة البى بى ايه هيه هو ياولا الضارة
- 23 × 18.5 × 8.5 سم
تحذير مستعجل :
اللانش بوكس ده زى الفريك ميحبش البوفتيك وده معناته انك متديش لعياك شاندوتشات بوفتيك
التقييمات: 0