تفاصيل المنتج
شبشب الوليه الملكه نفرتيتى الخامسه والمصنوع فى ورشه فرعونيه تحت بير السلم واللى اشترته من سوق الجمعه بكوزين دره لإنها كانت وليه بخيله وبتسترخص.
الشبشب مصنوع من القش والبوص وزعازيع نبات البردى ومطعم بالبلاستيك الكريم ومنقوش بإيد فنان غلبان من سيجر.
الست الوليه الملكه كانت بتستخدم الشبشب ده لما عيالها يتشاقوا او لما تلاقيهم بهايم ومش فاهمين حاجه ومش عارفين يقروا ورق البردى او لما يضيعوا قلم البوص اللى بيكتبوا بيه
وبرضه كانت بتطرقع بيه لجوزها الولا الملك تحتمس السادس لما عينه تزوغ على الخدامه فكانت بتشبشبله علشان تظبطه
وف مره كان عيل من عيالها بيتنطط فى القصر وكسر لها "زلعة مش" من النيش بتاعها - فقامت خالعه الشبشب وحدفت الواد بيه جابله ارتجاج فى المخ بس للأسف الشبشب رد فى وشها وطير لها عين وعملها بشله فى أورتها.
وورثته بنتها الأميره نفرتيتى السادسه بس باعته لما اتزنقت فى قرشين علشان تسدد اقساط جهازها
التقييمات: 0