تفاصيل المنتج
مراتك بتخنصر منك فلوس
مراتك بتضحك عليك وتقولك انك وعدتها تجيبلها فستان بترتر وكرانيش ومداس لميع وجردل بويه تدهن بيه خلقتها وانت متأكد انك مقولتش ولا وعدتها بحاجه بس هى بتوهمك انك ناسى وبتستقرضك وبتعاملك على انك هفأ
عيالك بيضحكوا عليك وبيفهموك انهم بيذاكروا وأول ما تطلع يقعدوا يلعبوا
الشغاله بتسهيكم وتلغ نص الأكل اللى فى التلاجه
بتلعبوا فى الشارع وعاوزين تحكيم بتقنية الفار
الموظفين مش بيشتغلوا ولا بياكلوا نص البضاعه اللى فى المحل
بنقدملك كاميرا مراقبه بتلف وتدور فى كل الاتجاهات هات هات
وبتصور بالليل وبالنهار وبتصور حتى واالنور مطفى
وبتلقط دبة القطه الهبله والعاقله والأرمله
الكاميرا بتشتغل بالكهربا وكوباية شاى كشرى عليها معلقة سمنه بلدى
ممكن السعر يزيد شويه لو عاوز عفريت يشتغلك مدير للكاميرا بس يوميته حتتين فحم بلدى وحتة بسبوسه بالشطه الموحوحه
اللون أبيض قشطه مشبح
الكاميرا صناعه صينيه من ورشة الأسطى الحاج يونج هونج لوانج ومعنى اسمه هو التنين العبيط اللى بياكل غبيط قرنبيط بالسبيط
التقييمات: 0