تفاصيل المنتج
مكواة لفرد الشعر الأكرت الملولو وسلكة المواعين الخشنه وكروتة الشعر الناعم الحرير اللى ع الخدود يهفهف ويرفرف
المكواه بتشتغل فى الشعر الناشف والمبلول والمندى
أعلى درجة حراره فى المكواه يجى بتاع 235 درجة مئوية
مينفعش تفردى نص شعرك وتكروتى النص التانى - ارسى على حاجه ومتروشيش أهلنا معاكى
المكواه لفرد الشعر ولا يمكن استخدامها لفرد بوزك
بلاش تستخدميها كتير علشان ممكن شعرك يشيط وخطوبتك تتفركش يا موكوسه
السعر غالى شويه بس عادى عشان انتى بتحبى تتفشخرى وتتمنظرى --
ولو مستغليه السعر ممكن أقولك على البديل : هما شوية جاز من الراجل اللى بيلف بالعربيه مع فلايه بسنون ضيقه واقعدى اكحتى فى فروة راسك ولعلمك بقى الجاز بيقضى ع القشره والقمل وبيسهل التسريح وبيخلى الشعر يلمع كده بس ابعدى عن النار
التقييمات: 0