تفاصيل المنتج
موكوسه ومدهوله على عينك ومبتعرفيش تطبخى وعاوزه قلايه تنفع لكل الاستخدامات وقويه ومتينه وتستحمل انك تضربى جوزك بيها ولونها حلو وشيك وكمبياله ومميزات تانيه كتير
كل هذه المميزات هتلاقيها فى قلايتنا
ومش بس كده
القلايه لو حطيتيها على النار هتسخن
ولو حطيتى فيه معلقة زيت وفقشتى بيض فالقلايه هتعملك صوت تشششششششش
وكمان مش هتقفش عليكى لو عملتى فيها أكل أورديحى
والمفاجأه بقى :
انك لو نسيتى الأكل على النار وقعدتى على الفيسبوك مقضياها لت وعجن وبتجيبى فى فى سيرة الناس
فالأكل هيتحرق منك يا موكوسه وخلى الفيس ينفعك لما جوزك يرجع من الشغل يطين عيشتك
الطاسه فيها خاصية توزيع الحراره علشان أكلك كله يستوى مع بعضه ويبقى وشه زى قفاه
للأمانه يعنى :
القلايه ألامونيا ومتلحوسه بطبقة جرانيت من فوق
وده كده كده مش هيفرق معاكى لإنه خايبه ونايبه ومبتعرفيش تطبخى أساساَ بتاتاَ
التقييمات: 0